Кўп бериладиган саволлар
Тайёр патентни ким ва қандай хужжатлар билан олиши мумкин?
Хорижлик фуқаро паспортини, муҳожирлик картасини, муҳожирлик рўйхатдан ўтиш тўғрисидаги хабарномани, ихтиёрий тиббий суғурта сиёсатини (ДМС полис) ва қатъий белгиланган аванс тўлови шаклида жисмоний шахсларнинг даромад солиғини тўлаш тўғрисидаги паттани тақдим этиш орқали шахсан ўзи тайёр патентни олиши мумкин.
Хорижлик фуқаро миллий паспортини ўзгартириб олган тақдирда, янги патент олиш керакми?
Хорижлик фуқаронинг паспорти ўзгарган тақдирда (яни паспорт маълумотлари ўзгарган тақдирда), ўзгартиришлар амалдаги патентга киритилиши шарт. Ушбу хизмат учун Россия Федерациясига келган кундан бошлаб 7 иш куни ичида мурожаат қилишингиз керак.
Ташкилотнинг ҳуқуқий манзилида муҳожирлик рўйхатдан ўтиш амалга оширилаётган холда, хорижлик фуқароларнинг рўйхатдан ўтиш учун қабул қилувчи томон ким бўлиши мумкин?
Кўп ҳолатларда бош директори қабул қилувчи томон бўлади, аммо ушбу ташкилотнинг доимий ходимларидан бири бўлиши мумкин (бу холда бош директор буюрук тузиб, қабул қилувчи томоннинг вазифаларини ходимга юклайди). Асосий нуқта – қабул қилувчи томон Санкт-Петербург ёки Ленинград вилоятида рўйхатда турган бўлиши керак.
Санкт-Петербургда берилган патент билан Ленинград вилоятида ишлаш мумкинми?
Хорижлик фуқароси меҳнат фаолиятини фақат Россия Федерациясининг патент берилган субъект ҳудудида амалга ошириши мумкин.
Россия Федерацияси ҳудудида хорижлик фуқаро қанча вақт туриши мумкин?
Хорижлик фуқаронинг Россия Федерациясида вақтинча туриш муддати унга берилган визанинг амал қилиш муддати билан белгиланади. Хорижлик фуқаронинг Россия Федерациясига визани талаб қилмайдиган тартибда келган холда, Россия Федерациясида вақтинча туриш муддати ҳар 180 кунлик давр мобайнида жами 90 кундан ошмаслиги керак. Россия Федерациясига визани талаб қилмайдиган тарзда келган ва юқори малакали мутахассис (ЮММ) бўлган хорижлик фуқаронинг ва унинг ойла аъзоларининг Россия Федерациясида вақтинча туриш муддати ишлаш учун руҳсатноманинг амал қилиш муддати билан белгиланади. Россия Федерациясига визани талаб қилмайдиган тарзда келган, иш учун патентга эга бўлган ва уни қайта расмийлаштириш хисобга олган ҳолда хорижлик фуқаронинг вақтинча туриш муддати Россия Федерациясига кириш санасидан бошлаб 2 йил ошмаслиги керак. Шу билан бирга, жисмоний шахсларнинг даромад солиғини аванс тўлови шаклида тўланиши ҳамда патентни қайта расмилаштириши ўз вақтида қилиниши шарт.
Бир вақтнинг ўзида паспортни ва патентни йўқотган хорижлик фуқаро янги паспортни тақдим этиш орқали йўқолган патентнинг дубликатига мурожаат қилиши мумкинми?
Мумкин. Маълумотнома олиш учун ҳар қандай полиция бўлимига ёки йўқолган мулк идорасига мурожаат қилиш керак, у ерда барча йўқолган хужжатлар кўрсатилиши шарт, шунингдек, янги паспорт маълумотлари кўрсатилган ҳолда патентнинг дубликати берилади.
Патентнинг қайта расмийлаштириш пайтда унинг турини (жисмоний шахс/ ҳуқуқий шахс), касбини ва амал қилиш минтакасини ўзгартириш мумкинми?
Ўзгаришлар фақат хужжат тури ва касбига қиритилиши мумкин. Патент ҳудуди расмийлаштиришдан сўнг ўзгаришсиз қолади.